2014年是Viviy的驛馬年，東奔西跑周圍去，實在需要好好休息。12月底最後一個trip，就是去到前身為澳門威斯汀酒店，現改名為鷺環海天度假酒店來一個度假之旅。一向以來去澳門都是在舊城區吃喝玩樂，從來未去過路環的我估唔到呢度係一個咁適合渡假的地方！藍天白雲配上resort式的酒店，逃離市區的煩囂，可以盡情休息之餘，更可一親山海，2015年夏天，睇來我要再去一次！
旅行‧最重要的小事Blog︰https://vv-chezmoi.blogspot.com
旅行‧最重要的小事Facebook page︰https://www.facebook.com/viviy.travel
Special thanks: 鷺環海天度假酒店
鷺環海天度假酒店位於澳門南區路環，由外港客運碼頭乘酒店穿梭巴士前往約20分鐘即可到達，半個鐘一班車都算方便。
由繁囂的市區隨著穿梭巴士的行走，慢慢地就有去到國境之南的感覺。高樓大廈不見了，取而外之的是青蔥的山巒，隱若間就見到前方的大海以及海邊的白色建築物，就是今次旅程的目的地鷺環海天度假酒店。Check - in 後已是中午時份，當然要先醫肚！
酒店3樓是中餐廳觀海軒，中午時份當然要飲茶！觀海軒的點心做得相當不錯，圖左的三色蝦餃皇以及圖中的花彫醉乳鴿都是推介之選。蝦餃皇超足料，鍾意食蝦嘅朋友一定要試。
黃金脆炸叉燒包就好似炸饅頭crossover叉燒包的變奏，一次過滿足為食的兩個願望。
房間闊落 一家人入住都無問題
今次入住的是海景房，房間相當闊落，兩張雙人大床直頭可以供一家四口入住都唔會覺得迫陝。暖色系的牆身及窗簾配上窗外溫暖的陽光，直頭有入咗來就唔想往外走的衝動。
窗邊設有貴妃椅一張，中午時份的就啱坐係呢度慢慢睇吓雜誌又或者飲返杯野relax一下。
由露台影返入室內，可以見到房間有幾大。
入住當天為12月尾， 天氣晴得太過份，由露台望出去就是一望無際的大海，係此情此景下，當然係要影返幾張全景相先至可以紀錄低這樣的美好時刻。
樓高8層的酒店共有208間客房、以台階式向上延伸，所以每層都有獨立露台可盡賞醉人海景。
洗手間亦相當有空間感，設有企缸及浴缸。
叫得做度假酒店，當然可以一站式滿足住客吃喝玩樂的要求。入住當晚就同一眾同行朋友來到酒店一樓的Café Panorama試試充滿葡國風味的自助餐。但係美食當前的時候，Viviy個胃竟然唔爭氣地痛了起來，即使吃了胃藥依然於是無補，到餐廳時亦只可以揀選最清淡的熟食來淺嚐，世間上有邊一種無奈慘得過眼見琳瑯滿目嘅美食但又唔食得？
當晚Café Panorama的菜式以葡國菜以澳葡菜為主，特別推薦有專人即場烹煮的葡式海鮮飯，將大蝦、青口等海鮮加入濃稠的蕃茄汁中同煮，香氣撲人！(可惜Viviy都只可以小食幾口 T.T)
戶外更有專人即製手拉薄餅，香脆可口。
沒有試到當晚的甜品，不過單是賣相已覺得十分誘人，最想試Panna Cotta。
因為臨近聖誕節，Café Panorama更加只此一家獨有的火爐旁邊設有聖誕mood極濃厚的座位，唔講，真係以為自己去咗另一個國家過聖誕。
加分位︰蜜糖水的甜蜜安排
因為胃痛得利害，本來說想出市區欣賞澳門回歸煙花表演的計畫也只有告吹。正當在房內準備早點休息的時候，竟然有酒店職員敲門並送上熱水及蜂蜜。原來是酒店PR得知Viviy的情況而特意送上，希望蜜糖水可以減輕胃痛的情況。當然要立即沖泡飲一杯落肚，及後就倒頭大睡到天明。這個貼心而又注重細節的安排真的令人感覺好窩心！
酒店最近仲推出3款適合不同朋友的3款玩樂住宿package、無論係好動型、文化型、歷險型或是一家大細的住客都可以搵到適合自己的元素，Viviy將會另文同大家詳情介紹。
鷺環海天度假酒店 Grand Coloane Resort
地址︰澳門路環黑沙馬路 1918 號
電話︰853 2887 1111
房價︰$1159起
交通︰乘酒店穿梭巴士往來港澳碼頭20分鐘車程，澳門國際機場10分鐘車程，至路氹金光大道則只需5分鐘車程。
網址︰www.grandcoloane.com/
旅行‧最重要的小事Blog︰https://vv-chezmoi.blogspot.com
旅行‧最重要的小事Facebook page︰https://www.facebook.com/viviy.travel
沒有留言:
張貼留言